Parece que haberá un novo goberno en Pontedeume. Entre o PP e o COE repartiranse o pastel, deixando na cuneta ao PSdG, BNG e a Chacho (non menciono o seu partido porque é el só). Algúns dirán que a debacle de nacionalistas e socialistas foi fomentada polos que aproveitándose dos erros (só erros?) urbanísticos levaro a cabo unha insidiosa campaña en contra do equipo de goberno. Mais non se debe matar ao mensaxeiro cando as noticias son malas. O cúmulo de infraccións e desplantes que Belarmino e Manuel Rei cometeron contra os cidadáns deste concello non ten parangón na historia democrática de Pontedeume. Son eles os que propiciaron estes resultados e non os que os denunciaron. Sírvalles de lección se aínda conservan algo de humildade para entonar un mea culpa.

O futuro é negro. Tanto o PP como o COE distínguense pola súa nefasta formación e  mediocridade para solucionar os problemas de Pontedeume. Non creo que o PP sexa alleo á corrupción e despotismo co que acostuma gobernar. Do COE pouco se pode esperar se temos en conta o papel que xogou cando era oposición: mero figurín sen idea do que sae estaba a falar. Lembremos o "gol" que lles meteu Belarmino cando a recalificación de Einsa. Nin se enteiraron do que se votaba.

Creo que aínda haio moito polo que pelexar. O novo PXOM pode ser unha bomba de reloxería en mans desta xente.