|
"Gu, besteak eta ni." UEUko literatura ikastaroa Iruñean.
UEUko literatura sailak antolatuta ikastaroa egingo da Iruñean, uztailaren 17tik 20ra. "Gu, besteak eta ni. Erdiguneak eta periferiak gaurko literaturan" da ikastaroaren titulua, eta besteak beste, homosexualitateak literaturan duen irudikapena aztertuko da, uztailaren 18an. Matrikulazio epea ekainaren 25ean amaitzen da. Hemen duzue programa osoa. Informazio gehiago, www.ueu.org helbidean. Animatu!
Nola irudikatzen ditu euskal literaturak etorkinak? Homosexualitatearen ze irudi ematen du gure literaturak? Emakumeak ze leku du literaturaren imajinario horretan? Nor da "gu" eta nor da "bestea"? Literatur esparruan zerk egiten du erdigunea eta zerk periferia?
Literatura garaikidea, batez ere euskalduna, halako galderekin aurrez aurre jartzea da gure asmoa. Boterea eta erdigunea duten ereduetatik kanpo dauden gizataldeak literaturak nola tratatzen dituen, zein leku eskaintzen dien aztertzea batetik, eta literaturaren barruan dauden erdigune/periferia harremanak aztertzea bestetik.
Horretarako, hiru saio mota eskainiko dira lau egunetan zehar: saio teoriko edo kritikoak, sortzaileen begiradak eta testuen irakurketa-tailerrak.
Egitaraua:
Uztailaren 17a, astelehena:
15.30-16.45
“Hierarkizazio prozesuak eta irakaskuntza sistema”
Idurre Alonso, euskal filologian lizentziaduna
17.00-18.15
“Literatura Txikanoa: Ipar Ameriketako beste istorio batzuk”
Amaia Ibarraran, EHUko irakaslea
Uztailaren 18a, asteartea:
9.00-10.30
“Gaurko emigrazioa euskal haur eta gazte literaturan.”
Oihane Gonzalez, euskal filologiako ikaslea
11.00-12.30
“Zer ala nor? Noiz pertsonaia, noiz pertsona?”
Yolanda Arrieta, idazlea
15-16.30
[Irakurketa-tailerra, izenburua zehazteke]
Uxue Apaolaza, idazlea
Uztailaren 19a, asteazkena:
9.00-10.30
"Euskal literatura heterosexuala, homosexuala edo asexuala da?"
Mikel Ayerbe, euskal filologian lizentziaduna
11.00-12.30
“Gaiaren minean”
Itxaro Borda, idazlea
15.00-16.30
“Anatomy lecture”
Angel Erro, idazlea
Uztailaren 20a, osteguna:
9.00-10.30
"Plazan hitz ezkutuen bila. Emakume idazleen lekua(k) euskal lteraturaren
kanon garaikidean."
Amaia Alvarez Uria, euskal filologian lizentziaduna eta Ana Urkiza, idazlea
11.00-12.30
Haienean izanik nirean naiz
Iñaki Friera, idazlea
15.00-16.30
“Auzoak”
Urtzi Urrutikoetxea, idazlea
|
