O ideal sería que presentasen fotos, tanto uns coma outros, para ver quen dí a verdade.

OUTRA NOVA NOUTRO XORNAL

Como vedes o Mesías non perde tempo enviando ós xornais o que lle interesa...¿por qué non enviara o da porta do centro social?

Velaquí tendes o escrito presentado no congreso dos deputados polo representante do BNG Francisco Jorquera. A verdade é que por fin nos facemos oir na capital....

Agardamos impacientes as respostas.

VER O ESCRITO

Por certo, volvo a lembrar, en especial ó compañeiro durruti, que as novas do xornal non as teño porqué poñer eu todas...si alguén a ve...que a poña...

Un saúdo caralludo

O BNG DEMÁNDALLE AO GOBERNO QUE O TRAZADO DA VARIANTE DE PADRÓN CONTE CO CONSENSO DOS VECIÑOS E DO CONCELLO

Francisco Jorquera tamén lle solicita a Fomento que “de forma urxente proceda a adecentar a N-550 ao seu paso por A Ponte”

Madrid, 23 Maio 08. O portavoz do BNG no Congreso dos Deputados, Francisco Jorquera, ven de presentar unha iniciativa na que lle demanda ao Ministerio de Fomento que consensúe o trazado da variante de Padrón co concello e cos veciños.

Francisco Jorquera lembra que a variante de Padrón deseñada dende hai anos para sacar o tráfico da N-550 do centro da vila “é unha obra necesaria que acumula un importante atraso, xa que o estudo informativo da alternativa elixida xa foi aprobado de xeito provisional en maio de 2003”.

Rexeitamento veciñal ao trazado elixido por Fomento

Porén, o deputado nacionalista advírtelle ao Goberno de que o trazado elixido por Fomento “xerou un gran rexeitamento social”. “Debemos lembrar -subliña- que os veciños de Padrón manifestáronse con rotundidade no pasado, e manteñen hoxe a mesma postura, para reclamar unha circunvalación de Padrón con boas entradas e saídas e contra o desbotado proxecto dos 4 carrís”.

Necesidade urxente de adecentar a N-550 ao seu paso por A Ponte

Ademais, o deputado nacionalista advirte de que o enlace da variante coa AP-9 en A Ponte, moi preto tamén da conexión coa autovía da Barbanza, “agravaría aínda máis os problemas de illamento que sofren os veciños e veciñas desta poboación”.

A este respeito, Jorquera denuncia que os habitantes da Ponte “non poden desprazarse pola N-550 xa que a travesía neste tramo carece de beirarrúas polas que poidan camiñar; unha falta de adecentamento, agravada pola acumulación de bouza nas gabias, que pon en serio perigo a vida dos peóns que se desprazan por este tramo”. Engade tamén que enlazar a circunvalación coa AP-9 neste punto “incrementaría aínda máis o tráfico nun núcleo de poboación que xa soporta unha elevadísima circulación”.

Neste sentido, Jorquera salienta que as reivindicacións dos veciños “son claras e de hai anos: que se acondicione o tramo da N-550 e   que o trazado da variante prosiga máis adiante en dirección a Pontecesures”.

“O Goberno Central incumpriu as súas promesas”

Sen embargo, o portavoz do BNG no Congreso dos Deputados denuncia que “os distintos Gobernos centrais incumpriron as súas promesas e o Ministerio de Fomento desoíu as reivindicacións dos veciños de Padrón”.

Ante esta situación, o deputado nacionalista pregúntalle ao Goberno se vai escoitar aos veciños e cambiar o trazado da variante e solicítalle dados concretos de prazos e orzamentos desta obra.

Ademais , pede información sobre a situación administrativa do desbotado proxecto dos catro carrís e demanda unha actuación urxente para acondicionar o tramo da N-550 á altura da Ponte.

En concreto, o deputado do BNG pregúntalle a Fomento se coñece que “esta necesaria obra de adecentamento, reivindicada dese hai anos polos veciños de Padrón, acumula un inxustificábel atraso, de forma que se anunciou que para os primeiros meses de 2007 se licitaría e adxudicaría o plano de acondicionamento da travesía, unha promesa que se incumpriu”.

Por último, Jorquera solicita tamén dados concretos do Goberno sobre cando está previsto o inicio das obras de acondicionamento e o orzamento que se vai investir.

SAÚDOS: Gabinete de Prensa do BNG

GRAZAS SR. DEPUTADO GRAZAS BNG DE PADRÓN, daría tamén as grazas a algunha persoa concreta, pero xa sabemos que aquí en Padrón corremos o riesgo de Mesianismo debe ser algún tipo de virus que lle afecta a algunhas persoas do pobo en canto teñen un case que nada de poder, pero en fin case que me vou a arriscar  e pode ser que se rompa o feitizo Grazas Santaló.

Non non me volvín tolo só que o responsable do foro como é sábado debeu levantarse tarde e aínda non colgou as noticias do día, pero xa saberédes o pq, das miñas GRAZAS.

Sempre se di a xente afástase cada vez máis da política, no é de extrañar sobre todo no noso Concello polo que podemos observar nas noticias destes días e senón que llo digan a Fontan e os veciños da Ponte ou os de Angueira de Suso, os nosos problemas cotidiáns parece que non son os mesmos que os dos nosos representantes locais, (estoume liando e esto é tema para outro día) si nos referimos o governo do Estado parécenos que están a anos luz da xente común e corriente, alí so se cociñan as grandes leis os presupostos e decir un pouco a xerenalidade gubernamental. Pero hoxe lemos no periódico que non sempre é asi A VOZ DO DEPUTADO DO BNG FRANCISCO JORQUERA, FOI A VOZ DOS VECIÑOS DA PONTE, é realmente satisfatorio que os nosos políticos se baixen á realidade e expoñan os problemas dos veciños dunha pequena aldea do Concello de Padrón, o Sr. Deputado pregunta polo que vai a pasar na Ponte coa carretera e insta a Fomento ó arranxo da mesma. A verdade que hoxe é un día ilusionante no que un se reconcilia coas institucións, os problemas da PONTE fíxeronse visibles no congreso e podemos decir alto, alto ¡¡¡¡¡¡A PONTE EXISTE¡¡¡¡¡¡ e xa nos coñecen na Villa e Corte.

Aprendan pois os nosos governantes locais así SI  votarlle a culpa ós veciños, NON, volver a sacar artículo na prensa como se nada pasara é insultar a nosa intelixencia, á censura e a prepotencia fora, e as chamadítas a demarcación de carreteras ,esas xa as facemos os veciños pola conta que nos ten, traballar a golpe de prensa terceiromundista.

Pois nada máis e volver a repetir GRAZAS de parte da PONTE, e o desexo de que se solucionen os nosos problemas.

Grazas á este foro e a quen o organiza, a todos os que o leedes os que escribides, pq, pouco a pouco vanse conseguindo cousas, facernos oir que non é pouco e ésta vez a nosa voz chegou forte, alta é clara.