A NORMALIZACIÓN LINGÜÍSTICA EN PADRON

(PLENO 30 DE ABRIL DE 2009.)

O CONCELLO DE PADRÓN perde 24.000 euros, para normalización lingüística por non solicitar a subvención a Deputación Provincial de A Coruña. A Deputación de A Coruña ofrece subvencións para a creación ou mantenemento dos Servicios de Normalización Lingüística nos concellos da Provincia para a anualidades 2009-2011. (BOLETÍN OFICIAL DA PROVINCIA 260, de 11 de novembro de 2008). A concesión destas subvenciós é automática, e simplemente hai que solicitala. Por non facelo o Concello de Padrón perde 24.000 euros: 12.000 correspondentes a anualidade 2009-2010, e 12.000 2010-2011.

A noticia de que o Concello non solicitou esta subvencións foi coñecida pola pregunta formulada polo BNG sobre o servicio de normalización lingüística no Concello, no Pleno Ordinario do 30 de abril de 2009.

Para o BNG resulta inexplicable que o Goberno renuncie a 24.000 euros para normalización lingüística canto non se se está a cumprir o propio regulamento do uso do galego vixente no Concello, e se publican bandos da alcaldía en castelán. Tampouco se entende como se pode dicir unha e otra vez que non hai cartos e logo perder 24.000 euros por non solicitar a subvención. Temos que recordar que a aportación do Concello para o sostemento da Casa Museo Rosalia de Castro de Padrón é tan so de 6000 euros, e que tan rácana aportación se xustifica nas dificultades económicas.

Ante esta situación, o BNG considera que debe haber un cambio no responsable do servicio de normalización lingúística do Concello, xa que resulta acredita a súa neglixencia, irresponsabilidade ou desleixo. Privar ó Concello da creación do tan necesario servicio de normalización lingüística e seguir ó fronte do mesmo non ten sentido, porque ou se considera que non é un servicio importante ou non se é competente para ser responsable do mesmo; en calquera caso o relevo é imprescindible. A normalización lingüística é algo máis que organizar festa rituais ou folclóricas.

 

BNG de Padrón