POR VÍCTOR FURELOS

Imaxinemos por un momento que no noso Concello temos un alcalde que intenta dar a imaxe de que se preo-
cupa por todo e por todos con boa cara e quere unila a unha apariencia de persoa dialogante con un talante ó máis puro estilo ZP.

Imaxinemos por un momento que ten un socio de goberno co que en público se leva ben pero que logo se demostra que non é así, porque por detrás se din cousas que non se corresponden co que se fai por diante. É máis, ás veces parece cousa de ciumes, pero aguanta o protagonismo dese socio coa única idea de agarrar ben forte o bastón de mando, ata o punto de que nin se lle ocorre desfacer un pacto que pouco lle gusta.

Imaxinemos por un momento que o noso rexedor luce nas festas. Teso coma un lapis preside unha chea de actos cando quen levou a organización toda foi o seu socio de goberno en nome do Concello. E precisamente ese socio, nas súas funcións municipais, se ve metido nun apuro por un accidente do que el non ten culpa.

Imaxinemos por un momento que o alcalde aproveita para deixar que ese socio se queime só e nin sequera lle ofrece axuda. Parece que quere sacar rendabilidade política dun accidente. É máis, despois de ver como se pon en cuestión o propio Concello, agocha a cabeza coma se fose unha avestruz en vez de dar a cara e aparecer cando as cousas se torcen. Demostra que vale para as risas pero non para as choras.

E agora, para rematar, imaxinemos por un momento o Concello de Padrón nos últimos dez días.

Tierras de Santiago 08/04/08

Na foto de abaixo pódese ver ó alcalde á esquerda co seu socio de governo. ¿ou á dereita? non, non á esquerda. OSTIA!! NON, Á DEREITA!!! Nooooooooon, non quero decir que o da garavata rosa se vaia á dereita....quero decir que o alcalde é o da dereeeeeeeeita.